ءماجىلىس توراعاسى نۇرلان نىعماتۋلين سانكت-پەتەربۋرگتەگى 137-ءشى پارلامەنتارالىق وداق اسسامبلەياسىنا قاتىسۋ اياسىندا مەملەكەتتىك دۋمانىڭ توراعاسى ۆياچەسلاۆ ۆولودينمەن پارلامەنتارالىق ءوزارا ءىس-قيمىل ماسەلەلەرىن تالقىلادى.
اڭگىمەلەسۋ بارىسىندا تاراپتار قازاقستان مەن رەسەي اراسىنداعى قارىم-قاتىناستىڭ سيپاتى, ەكى ەل پرەزيدەنتتەرىنىڭ ستراتەگيالىق سەرىكتەستىگىنىڭ ايعاعى ەكەندىگىن اتاپ ءوتتى.
سونىمەن قوسا ن.نىعماتۋلين مەن ۆ.ۆولودين مەملەكەت باسشىلارىنىڭ كەلىسىمدەرىن قازاقستاندىق جانە رەسەيلىك دەپۋتاتتاردىڭ زاڭنامالىق قولداۋىنىڭ ماڭىزدىلىعىنا توقتالدى.
سونداي-اق, ەكىجاقتى قاتىناستار جانە ۇقشۇ پارلامەنتتىك اسسامبلەياسى اياسىندا ىنتىماقتاستىقتى ارتتىرۋ ماسەلەلەرى تالقىلاندى. ەۋرازيا ەلدەرى سپيكەرلەرىنىڭ وتىرىسى, ءماجىلىس پەن مەملەكەتتىك دۋمانىڭ بەيىندى كوميتەتتەرى مۇشەلەرىنىڭ بىرلەسكەن كەزدەسۋى جانە ىنتىماقتاستىق جونىندەگى پالاتاارالىق كوميسسيا سياقتى ماڭىزدى الاڭدارعا نازار اۋدارىلدى.